Surrey va Gamburg universitetlari olimlari ijtimoiy robotlarni inson ishtirokisiz sinash va o‘rgatish imkonini beruvchi innovatsion simulyatsiya usulini ishlab chiqdilar.
Bu yondashuvning asosida turli ijtimoiy vaziyatlarda inson nigohi qayerga yo‘nalishini taqlid qiluvchi nigoh harakatini bashorat qilish modeli yotadi.
Modelni tekshirish uchun 2 ta ommaviy maʼlumotlar to‘plamidan foydalanildi va natijalar shuni ko‘rsatdiki, robot insonnikiga o‘xshash ko‘z harakatlarini takrorlay oladi!
Bu shuni anglatadiki, mashina xonadagi voqealarni “kuzatishi” va eʼtiborini muhim jihatlarga qarata oladi.
Tadqiqot hammuallifi doktor Di Fu shunday deydi: “Bizning usulimiz robotning xuddi insondek kerakli narsalarga eʼtibor qaratishini real vaqtda inson kuzatuvisiz tekshirish imkonini beradi”.